المرونة

المرونة في العلاقات الانسانية مش معناها أبدا إنك تقبل تتنازل عن قيمك الإنسانية ولا عن مستوى المعاملات اللي بتعامل بيه الناس. المرونة في إنك تقدر تعذر عندما يستحق الأمر، ماتدقش على كل صغيرة وكبيرة، تسمح للآخر بمساحته، تكون سمح ورحب الصدر، قادر على الإحتواء مش بتنفر الناس منك، بتهتم باللي قدامك زي ما بيهتم بيك، إلخ. الناس المرنة في العلاقات الإنسانية عادة بتكون عذبة المعشر.

المرونة هنا نوعين؛ الأول، فيما يخص دايرة الناس القريبين واللي المفروض تكون الدايرة اللي فيها راحتك لما الناس بتكون صح! والتاني، المرونة مع بقية الناس واللي كل ما إتعاملت معاهم بصدق وتفهم وتقبل أكبر لاختلافهم كل ما قدرت تستوعب، وتكون علاقات سلسلة.

المرونة في المعاملات تختلف عن المرونة النفسية ولكنهم مرتبطين ببعض. موضوع كبير ده ....المزيد فيما يلي...

#MakanNour #مكان_نور