My body is a temple

Have you ever heard the expression; "My body is a temple." Well! In a holistic approach everything that runs inside and through you belongs to that temple only this time we mean the soul!

مع إن حب الناس جميل ونعمة كبيرة، لكن يفضل أهم شئ في حياتك هو حبك لنفسك! ببساطة لو إنت مش عارف تحب نفسك الناس هتعرف تحبك وتميزك إزاي!

وإليكم بعض الملاحظات في حب النفس:

-المجتمع وجبل من موروثاته المؤذية للصحة النفسية (والجسدية أيضا) بيحاول طول الوقت يصدرلك إن فكرة إنك تحب نفسك ديه أنانية أو فيها نوع من الشر وده شيء بيخليك تحت سيطرة الإحساس بالذنب إن فكرت تعتني بنفسك.

-أغلب الطرق اللي وصلت لنا عبر الأجيال عن الإهتمام بالنفس فيها مغلوطات كتير موءذية على المستوى النفسي والجسدي زي مثلا الأكل الكتير كمظهر من مظاهر الفرحة أو التطرّف والمغالاة في أي فعل للدلالة على حب الشيء أو إظهار الرضا أو السعادة النفسية...

-حب النفس هو القدرة على إنك تصون نفسك وتحترمها (وتدلعها) وتكون صادق معاها مع مراعاة حقوق ومشاعر الآخرين.

-إنت" أول نعمة وجدتها لحظة تشريفك إلى هذا العالم!

-حبك لنفسك لا ينقص من قدرتك وعطاءك وحبك لكل الناس اللي يهموك في الحياة. العكس مشاعرك بتكون أنقى وأكثر تحديدا وبتكون قادر تدي بجد من قلبك بلا إنتظار مقابل. ديه نتيجة مباشرة لقدرة الإنسان إنه يدي وقت لنفسه، يفهمها ويريحها شويه من ضغوط الحياة اللي دايرة جوانا وحوالينا.

-حبك لنفسك بيساعدك تكون حاسم في توزيع طاقتك، مع مين وفين وعلشان إيه وبوضوح...ده مهم علشان ماتضيعش نفسك في سكك كتير آخرتها توهان.

-كل البشر اللي سابوا علامة في العالم هما ناس كانوا فاهمين نفسهم وفهم النفس ومواجهتها بما لها وما عليها وتفهمها جزء كبير من حبها.

-حبك لنفسك وقدرتك على إستيعابها وإحتوائها والطبطبة عليها كمان وقت اللزوم بيساعدك في معرفة إيه هى مفاتيح التوازن النفسي عندك، مثلا لو مزاجك متعكر وعصبي ، فتقرر تاخد وقت لوحدك لغاية ما تهدى بدل ما تتسبب في إزعاج أو ضيق للناس اللي حواليك.

-حبك لنفسك لا يعني على الإطلاق عدم إحتياجك للآخر، بالعكس ده بيديك فرصة تفهم نفسك لدرجة تخليك قادر على إختيار ذلك الآخر بشكل أدق وفي تناغم مع حياتك.

-حاجات زي حب النفس وفهمها مش سهلة ولا وليدة لحظة أو تجربة، ده شغل وإجتهاد وإشتغال على دماغك وأفكارها وتابوهاتها وعقدها وده محتاج وقت وتدريب وصبر ومواظبة بس تبدأ.

In other words, you are your own shadow! It is your call to make it a beautiful companion! The magic to your inner beauty is inner love. But no one said that the road to both was not filled with redemption!

-الجدير بالذكر إن حب النفس هو مايطلق عليه بالإنجليزية self esteem
وهو اللي الناس دايما بتلخبط بينه وبين الثقة بالنفس self confidence
لكن فيه فرق بين الاتنين هنتكلم عليه في مواضيعنا اللي جايه...
#MakanNour #مكان_نور #Inner_Wellbeing#المعافاة_النفسية